الشحن والاستبدال والاسترجاع

كل اللي محتاج تعرفه عن التوصيل والدفع، وإيه اللي بيحصل لو الكتاب وصلك فيه عيب صناعة.

الشحن والتوصيل

بنشحن لكل محافظات مصر لحد باب البيت.
أغلب المحافظات بيوصلها الطلب خلال 1–3 أيام عمل، والمحافظات البعيدة لحد 5 أيام، والجمعة مش يوم توصيل.
تكلفة الشحن بتتحدد حسب المحافظة (من 75 لـ 150 جنيه)، وبتظهرلك في صفحة إتمام الطلب قبل ما تأكد.
تقدر تتابع طلبك من صفحة تابع طلبك، أو تسألنا على واتساب 01280004002.

المحافظة	مدة التوصيل	الشحن
القاهره، الجيزه	1–3 أيام عمل	75 جنيه
الاسكندريه، البحيره	1–3 أيام عمل	85 جنيه
الدقهليه، دمياط، القليوبيه، الفيوم، الغربيه، الاسماعيليه، كفر الشيخ، المنوفيه، بور سعيد، الشرقيه، السويس	1–3 أيام عمل	90 جنيه
بني سويف، المنيا، سوهاج، اسيوط	1–4 أيام عمل	110 جنيه
اسوان، الاقصر، الوادي الجديد، مرسي مطروح، البحر الاحمر، قنا، الساحل الشمالي	1–5 أيام عمل	130 جنيه
جنوب سيناء	1–5 أيام عمل	150 جنيه

الدفع

كاش عند الاستلام: تدفع للمندوب لما الكتب توصلك.
أونلاين: بطاقة خصم مباشر/ ائتمان، محافظ البنكية.

الاستبدال والاسترجاع

كل كتاب بيتراجع عندنا قبل ما يخرج، ولو وصلك فيه عيب صناعة إحنا بنتحمّل المسؤولية كاملة. الاستبدال والاسترجاع في iBook متاحين لعيوب الصناعة بس.

بنستبدل أو نرجّع لو:

فيه عيب في الطباعة: صفحات ناقصة أو متكررة أو مقلوبة، أو طباعة مش واضحة.
فيه عيب في التجليد: صفحات مفكوكة أو تجليد مقطوع.
الكتاب وصلك تالف من الشحن، أو وصلك كتاب غير اللي طلبته.

مش بيتبدّل ولا بيترجع:

الكتاب السليم لو غيّرت رأيك أو اخترت كتاب غير اللي محتاجه.
الكتاب اللي اتكتب فيه أو اتستخدم أو اتلف بعد الاستلام.
أي طلب بعد ما تعدّي 14 يوم من الاستلام.
المحتوى الديجيتال: الإجابات المشروحة أونلاين، ملفات PDF، والفيديوهات.

تطلب الاستبدال أو الاسترجاع إزاي؟

1بلّغنا خلال 14 يوم من استلام الطلب.
2ابعتلنا على واتساب 01280004002 رقم الطلب وصورة واضحة للعيب.
3بنراجع طلبك ونرد عليك خلال 2–3 أيام عمل.
4بعد الموافقة بنرتّب الاستبدال من غير أي تكلفة إضافية عليك، ومصاريف الشحن في الحالة دي علينا.

استبدال ولا استرجاع فلوس؟

الأساس إننا نبعتلك نسخة سليمة من نفس الكتاب. ولو تفضّل ترجع فلوسك، بنرجّعلك ثمن الكتاب خلال 7 أيام عمل من استلامنا للكتاب المعيب، على طريقة الدفع اللي دفعت بيها أو بالطريقة اللي نتفق عليها معاك.

إلغاء الطلب

تقدر تلغي طلبك في أي وقت طالما لسه مخرجش مع شركة الشحن. ابعتلنا رقم الطلب على واتساب 01280004002.

محتاج مساعدة؟ ابعتلنا على واتساب وإحنا نرد عليك.

واتساب اتصل بينا

للطلب والاستفسار